Sri Brahma Stavam (Padmapurane Vishnu Krutam)
namō:’stvanantāya viśuddhacētasē
svarūparūpāya sahasrabāhavē |
sahasraraśmiprabhavāya vēdhasē
viśāladēhāya viśuddhakarmaṇē || 1 ||
samastaviśvārtiharāya śambhavē
samastasūryānalatigmatējasē |
namō:’stu vidyāvitatāya cakriṇē
samastadhīsthānakr̥tē sadā namaḥ || 2 ||
anādidēvācyutaśēkharaprabhō
bhāvyudbhavadbhūtapatē mahēśvara |
marutpatē sarvapatē jagatpatē
bhuvaspatē bhuvanapatē sadā namaḥ || 3 ||
yajñēśa nārāyaṇa jiṣṇu śaṅkara
kṣitīśa viśvēśvara viśvalōcana |
śaśāṅkasūryācyuta vīraviśva-
-pravr̥ttamūrtē:’mr̥tamūrta avyaya || 4 ||
jvaladdhutāśarciniruddhamaṇḍala
pradēśanārāyaṇa viśvatōmukha |
samastadēvārtiharāmr̥tāvyaya
prapāhi māṁ śaraṇagataṁ tathā vibhō || 5 ||
vaktrāṇyanēkāni vibhō tavāhaṁ
paśyāmi yajñasya gatiṁ purāṇam |
brahmāṇamīśaṁ jagatāṁ prasūtiṁ
namō:’stu tubhyaṁ prapitāmahāya || 6 ||
saṁsāracakrakramaṇairanēkaiḥ
kvacidbhavān dēvavarādhidēvaḥ |
tatsarvavijñānaviśuddhasatvai-
-rupāsyasē kiṁ praṇamāmyahaṁ tvām || 7 ||
ēvaṁ bhavantaṁ prakr̥tēḥ purastā-
-dyō vēttyasau sarvavidāṁvariṣṭhaḥ |
guṇānvitēṣu prasabhaṁ vivēdyō
viśālamūrtistviha sūkṣmarūpaḥ || 8 ||
vākpāṇipādairvigatēndriyōpi
kathaṁ bhavānvai sugatiḥ sukarmā |
saṁsārabandhē nihitēndriyō:’pi
punaḥ kathaṁ dēvavarōsi vēdyaḥ || 9 ||
mūrtādamūrtaṁ na tu labhyatē paraṁ
paraṁ vapurdēvaviśuddhabhāvaiḥ |
saṁsāravicchittikarairyajadbhi-
-ratō:’vasīyēta caturmukha tvam || 10 ||
paraṁ na jānanti yatō vapustē
dēvādayō:’pyadbhutarūpadhārin |
vibhōvatārē:’grataraṁ purāṇa-
-mārādhayēdyatkamalāsanastham || 11 ||
na tē tattvaṁ viśvasr̥jōpi yōni-
-mēkāntatō vētti viśuddhabhāvaḥ |
paraṁ tvahaṁ vēdmi kathaṁ purāṇaṁ
bhavantamādyaṁ tapasā viśuddham || 12 ||
padmāsanō vai janakaḥ prasiddha
ēvaṁ prasiddhirhyasakr̥t purāṇāt |
sañcintya tē nātha vibhuṁ bhavantaṁ
jānāti naivaṁ tapasāvihīnaḥ || 13 ||
asmādr̥śaiśca pravarairvibōdhyaṁ
tvāṁ dēvamūrkhāḥ svamatiṁ vibhajya |
prabōddhumicchanti na tēṣu buddhi-
-rudārakīrtiṣvapi vēdahīnāḥ || 14 ||
janmāntarairvēdavivēkabuddhi-
-rbhavēdyathā vā yadi vā prakāśaḥ |
tallābhalubdhasya na mānuṣatvaṁ
na dēvagandharvapatiḥ śivaḥ syāt || 15 ||
na viṣṇurūpō bhagavān susūkṣmaḥ
sthūlō:’si dēvaḥ kr̥takr̥tyatāyāḥ |
sthūlō:’pi sūkṣmaḥ sulabhō:’si dēva
tvadbāhyakr̥tyā narakē patanti || 16 ||
vimucyatē vā bhavati sthitēsmin
dasrēnduvahnyarkamarunmahībhiḥ |
tatvaiḥ svarūpaiḥ samarūpadhāribhi-
-rātmasvarūpē vitata svabhāvaḥ || 17 ||
iti stutiṁ mē bhagavan hyananta
juṣasva bhaktasya viśēṣataśca |
samādhiyuktasya viśuddhacētasa-
-stvadbhāvabhāvaikamanōnugasya || 18 ||
sadā hr̥disthō bhagavannamastē
namāmi nityaṁ bhagavan purāṇa |
iti prakāśaṁ tava mē tadīśa
stavaṁ mayā sarvagatiprabuddha |
saṁsāracakrē bhramaṇādiyuktāṁ
bhītiṁ punarnaḥ pratipālayasva || 9 ||
iti śrīpadmamahāpurāṇē sr̥ṣṭikhaṇḍē catustriṁśattamō:’dhyāyē viṣṇu kr̥ta śrī brahma stavam ||
